Rousey-i'n UFC chhuahsanin WWE a zawm

American professional wrestler Ronda Rousey chuan Ultimate Fighting Championship (UFC) chhuahsanin, World Wrestling Entertainment (WWE) a zawm.

WWE-ah hian Pa­thian­ni kal ta zan khan contract a ziak a, contarct a ziak lai hi tv-ah pawh pekchhuah a ni. Rousey chuan, "WWE-a inlan hi naupangte ka nih lai aṭang tawha ka chak a ni a, tunah chuan ka lo suangtuah ṭhin kha a takin a thleng ta a ni" a ti. Hetih rual hian UFC-a kir leh a tum leh tum loh chungchang chu chhangin, "Octagon-ah hun hlimawm tak ka lo hmang tawh a, ka kir leh dawn em tih tunah chuan ka sawi thei rih lo" a ti.

Mi rothap leh huai­sarte inchal tauhna UFC-ah pawh champion lo ni tawh Rousey hi a lar hle a, WWE-a luhchilh pawh hian ngaihvena hlawh hle a ni. Rousey hian UFC-ah hnuhma ṭha tak a hnut­chhiah a, Judo-ah an ram tan Olympic bronze medal te pawh a lo la tawh a ni.