Ṭhalaite chhiar chi lehkhabu thar tlangzarh

Ṭhalaite chhiar chi tak lekhabu, Dr C. Lalhrekima ziah 'A Ho Tlat' tih chu Thawhṭanni zan khan tlangzarh a ni. Lal­hruaitluanga Chawngte chuan lehkhabu thlir­­lawkna hun hi a hmang a, ṭhalaite ṭang­kai pui tur lehkhabuṭha tak a nih thu a sawi.

A bu chhunga thute hi Psychiatrist Dr Hrekima thu­ziak hrang hrang lakkhawm niin, tunlai khawvela harsatna awm thei te, nun kawng hruaina leh kawng dik inkawhhmuhna hrang hrang tarlanna a ni. Tlangzarhna hunah hian Dr Hrekima'n thu a sawi a, mahni nihna hriat loh a awm theih thu, mahni nih loh dana awmte avangin miin harsatna an tawh thin thu leh an mahni chauh ni lo, midang pawhin harsatna an tawh phah hial thin thute a sawi.

He lehkhabu hi Rs 200/- man a ni a, dawr hrang hrangah lei theihin a awm.