Various Artists 'Kan Zoram hi'

Assam nena kan inrina a buai a, thisen hial chhuak mah se ramri buaina chinfel hleihtheih a la ni lo. Chu chu kan zaithiamte pawhin an vei tlang a, ram humhalh hla 'Kan Zoram hi' hmangin music video nen an rawn ding chhuak dawn.

He music video-ah hian Alex-a, Fela Colney, Lalremruata Pachuau, Betea, Mawiteii Ralte, Jaui leh Spi-te chu thawk hoin an hla 'Kan Zoram hi' tih chu

J Lalthlengliana (Tete-a) phuah a ni thung.

Zaithiamte chuan tunhma aṭang tawha Zoram mipui leh ram hruaitute lu lo tihai tawhtu ramri buai chungchang chu an vei thu sawiin, ramchhan nana an tih theih pakhat nia ngaiin ramchhhan hla hi an rawn siam ta a ni. Hrileng vangin zaithiam tam zawk pawh an insawm khawm thei loa, heng a chunga kan tarlan tak mi pasarihte hian music video hi an buatsaih ta a ni.

Hruaia CZ chuan music siam sakin videographer chu Venus_Studio a ni a, aerial view lam erawh MS Art Work-in an tihsak thung.

He hla hi MDM leh Zonet lamah chuan an pe lut tawh a, MDM YouTube channel lamah chuan naktuk zan dar 8 velah hian en theihin a awm ang. Zonet lamah pawh an tihchhuah thuai rin a ni bawk.