Gaming News : Call of Duty: Vanguard tlangzarh hun tur chu

23rd August, 2021

Call of Duty: Vanguard chu November 5 hian PC, PS4, PS5, Xbox One, leh Xbox Series S/X-a khelh theih turin tlangzarh a ni dawn.

Activision chuan kar hmasa Ningani khan hemi chungchang hi an puangzar a ni.

COD game thar hi i khel a nih chuan Indopui II-na hunlaiah i kir leh dawn a, single-player campaign, online multiplayer, leh co-op Zombie mode-te a awm ang.

Playstation leh Xbox console velah chuan Rs. 3,999 man vel aṭangin a inṭan dawn a, PC lama i khel duh a nih chuan Battle.net-ah Rs. 4,470 velin a lei theih dawn.

Edition hrang hrang a awm leh dawn a, Ultimate Edition phei chu PC-ah chuan Rs. 7,450 vel a ni daih dawn a ni.