India-ah Nokia phone tlangzarh leh dawn

India ramah mobile phone company hrang hrangten smart phone model chi hrang hrang an thawn lut a, duh thlan tur pawh a tam tawh hle. Chutih lai chuan mipuiten kan hman nasat leh kan lo chul nel tawh ṭhin Nokia phone chu mi tak tak rilruah a la thi thei lo. Tunah chuan Nokia phone ngainatu te tan thu lawmawm a awm leh ta a, India ramah Nokia phone hi tlangzarh a ni leh dawn.

Mobile phone company HMD Global chuan April thla khian smartphone tlangzarh leh an tum thu an puang a, May thlaah Nokia 8110 tlangzarh hman an inbeisei bawk. Nokia 8110 hi kum 1996 daih tawh khan tlangzarh a lo ni tawh a, tun hnaiah thuam ṭhat belhin an tichhuak thar leh dawn ta a ni. Nokia 8110 hian 4G a support dawn a, India ramah chuan Rs 6,300 vel ni tura beisei a ni a, chhiah chawi tur chhut tel a la ni lo thung.

HMD hian smartphone model pali - Nokia 8 Sirocco, Nokia 7 Plus, Nokia 6 leh Nokia 1-te chu an lo tlangzarh tawh a, huang zauh belh zel an tum a ni. Nokia 8 Sirocco, Nokia 7 Plus, Nokia 6-te hian Android an hmang dawn a, a man pawh a u deuh dawn.