Justin Theroux leh Selena an sawi zawm!

Kan ngaihsan khawthlang milarte hian entawn tlak lohna tak tak an ngah ve khawp mai. An nun a zalen a, tih hreh leh sawi hreh em em pawh an nei lo. Nu thlawi leh pathlawi tih velah an buai ve vak lo a, tunah pawh hmanni lawka nupui ṭhen American actor Justin Theroux leh Selena Gomez-te chu sawi zawm an ni leh der tawh.

Justin Theroux leh Jennifer Aniston-te chu tun hnai khan an inṭhen a, an boruak pawh a la reh hma in chanchin ngaihnawm dang hriat tur a awm leh ta. Theroux hian an inṭhen hnuah social media a khawih meuh tawh lo a, an chanchin an sawi vel pawh a ngai pawimawh vak lo. Selena nena sawi zawm an ni pawh hi a ngai thu tak lo hle a, engvanga Selena nena sawi zawm ngawt nge an nih a hriat loh thu a sawi. Selena hi Justin Bieber nen an nih leh tawh avangin Theroux nena inhnimhnai anga sawi pawh hi thubelhchian dawn lo niin an sawi. Hetih rual hian Selena leh Theroux-te hi an inṭhian ṭha viau niin an tarlang a, kawppui nei loa Theroux a awm takah hian an sawi zawmte pawh a niin a lang.

Hetih lai hian kum 46 mi lai ni ve tawh Theroux hi tun hnai khan New York-ah hmeichhe pakhat nen an chhuak dun hmuh a ni a, a hnuah a kalpui hi stylist Chloe Hartstein a ni tih an hre zui. Chloe Hartstein nen pwh hian sawi zawm an ni mek.