'Echame La Culpa' english version a chhuak

Puerto Rican singer Luis Fonsi leh Demi Lovato-te hla hit 'Echame La Culpa' chu a english version tihchhuah a ni ve ta a, en pawh a hlawh nghal hle.

Kar kalta Zirtawpni khan version thar hi tihchhuah a ni a, a english title chu 'Not on You' tih a ni. YouTube lamah pawh upload a ni tawh a, entu pawh an pung chak viau. Hetih rual hian a Spanish version 'Échame La Culpa' tluk tur chuan hma bak a la ko hle a, YouTube-ah viewer 983,463,560 chuang zet an awm tawh a ni.

Zirtawpni kalta khan Latin artist-te'n hla thar an tichhuak nual a, chung zingah chuan Zoe, Chyno Miranda leh Messiah-te pawh an tel. Chutih rual chuan boruak nei lian ber chu American singer Demi Lovato leh Luis Fonsi-te hi an ni.