Hontade Ṭhazual Lengzem-ah HT Lalthanzami nek chhuak thei an la awm lo

Hontade Ṭhazual Lengzem chart-ah HT Lalthanzami nek chhuak thei an la awm lo a, a hla 'Ka hmangaih che a sin' tih chu thlan hlawh ber a la ni. Chart hmasa lamah khan pakhatna hi a lo hauh tawh a, tun ṭumah pawh dinhmun sang ber a luah leh ta a ni.

HT Lalthanzami hi tunlai lengzem hla satu zingah chuan mite ngainat hlawh ber pawl a ni a, a hla pawhin thlan a hlawh hle. Ṭhazual chart-ah hian a mikhual lo hle a, a hming a lang mawlh mawlh a ni ber. A zaithiam piah lamah a hla a nalh a, Mizote rilrem zawng tak a ni. 'Ka hmangaih che a sin' tih hla bakah hian, F Zomuanpuia nena an sak 'Hmangaih Mengmawite' tih chu chart-ah pawh pakhatna a lo ni tawh bawk. Tun ṭumah pawh hian top 10-ah a hming ṭum hnih a lang leh a ni.

Tun ṭum chart-a pahnihna hauhtu chu Jenny Jathang a ni. Jenny hla 'I hlui thei mawlh lo' tih hla pawh hian thlan a hlawh chho viau a, hma pawh a sawn chak hle. 'Lung a leng e mai' tih hla hmangin F Zomuanpuia chu top 3-ah a inhlangkai a, a ni pawh hian hma a sawn chak viau bawk. Hun eng emaw chen chart-a pakhatna lo hauhtawhtu Kimkima chu palina-ah a awm a, hmun pawimawh a luahzui zel. Kimkima hian a hla hit 'Sarah, I zunzam' tih hmangin Mizo mipuite min lo awi tawh ṭhin a, a zunzam hian kian zai a rel thei mawlh rih lo. Kimkima hnuaiah hian H. Lalvulmawia a awm ve thung a, a hla 'Kan intiam tawh ang' tih chuan thlan a hlawh chho mek.

Hontade Ṭhazual Lengzem top 10
1. HT Lalthanzami - Ka hmangaih che a sin
2. Jenny Jathang - I hlui thei mawlh lo
3. F. Zomuanpuia - Lung a leng e mai
4. Kimkima - Sarah, I zunzam
5. H. Lalvulmawia - Kan intiam tawh ang
6. Janet - Ka lal fapa
7. Lalramdini Fanai - Mengmawi
8. F Zomuanpuia feat HT Lalthanzami - Hmangaih Mengmawite
9. Richard Chawngthu - I liam si maw
10. Isaac Khawlhring - Lunglawm