Vawiinah Mafa-a lehkhabu thar tlangzarh a ni dawn

Tunlai thuziak mi zinga hriathlawh ber pawl Mafa-a Hauhnar chuan lehkhabu a khawrpum leh ta a, vawiin chawhnu hian tlangzarh a ni ang.

Mafa-a lehkhabu 'Hring­nun Hrualhrui (Thu haw lam leh kal lam)' tih hi chawhnu dar 2:00 hian Central YMA Hall, Tuikhuahtlangah Pu R. Lalrawna’n a tlangzarh dawn a ni. He lehkhabuah hian thinlung chhunga thu leh hla lut leh chhuak hawi lam inang lo tak tak khungkhawm a ni a, Rs. 200/- man a ni ang.

Mafa-a hian lehkhabu eng emaw zat a lo chhuah tawh a, chung zingah chuan - Chawlhna Tuikam (1997), Thaikawi Palai (1999), Khawithlâr (2001), Thlaler Aurawl (2007), JF-a German Ral Run (2010), Vaihna Vartian (2010) leh Hlim Nî leh Nuihlai Nî (2011) te chu a lar zual an ni.