Penguin-te'n sik leh sa inthlak an tuar nasa

Mithiamte chuan sik leh sa danglam chak lutuk leh khawlum zel avanga harsatna tawk nasa ber pawl chu Penguin an nih thu an sawi a, tun ang zela khua a lum chho a nih chuan an dinhmun a ngaihtuahawm hle dawn niin an sawi.

Sik leh sa inthlak danglam chho zel avang hian luia cheng nungchate pawhin harsatna an tawk chho mek zel a, chung zingah chuan Penguin te pawh hi an tel. Scientist te chuan hmun lum ngaina lo ve tak Penguin te dinhmun hi a harsa chho zel a, an ngaituahawm hle a ni. An dam khawchhuah theih nan ṭanpui an ngai a, tun aṭanga hmalak a ngai a ni, an ti. Ei leh in tur pawh ngaihtuah sak hial an la ngai dawn niin an sawi bawk.

French National Centre for Scientific Re­search (CNRS)-a an mithiam Dr Céline Le Bohec chuan Penguin maktaduai 1.1 vel zet chu an awmna pawh sawn a la ngai hial dawn niin a sawi a, a bikin King Penguin an tihte chu ngaihtuah an ngai zual bik a ni, a ti. Kum zabi 20 hnu lamah ei leh in lamah harsatna hi an tawk chho ṭan tih sawiin, tun aṭanga kum 50 a liam leh chuan mang thei mai dinhmunah an ding thei hial dawn tih a sawi bawk.