Deepika-i'n chawlh mamawh

Indian film actress Deepika Padu­kone chu a taksa lamah harsatna a tawh avangin thla thum vel chawl turin doctor-ten thurawn an pe.

Doctor te chuan Deepika hian hnungna a nei a, a taksa hahchawlh tir a mamawh a ni. Thla thum aṭanga thla li vel thleng pawh chawlh a ngai mai thei a ni, an ti. Kum khat chuang zet chu rim takin hna a thawk a, hei vang hian a taksain a tuar a ni. Film chan lam pawh chawlhsan rih turin thurawn an pe bawk. Deepika hi nikum lam khan tunlaia film lar tak 'Padmaavat' changin a buai hle a, a taksa pawhin a tawrh phah a ni. Hetih rual hian ngai ṭhat lohna tur a awm lo a, chawlh hahdam rih a mamawh mai zawk a ni.

Deepika hi Bollywood star zinga ngaihven hlawh ber pawl a ni mek a, a channa film a hit theih em avangin film chang tura sawmna pawh a dawng hnem hle a ni.