BLACKPINK: Lisa solo hla hmasa ber a hnai

BLACKPINK Lisa chuan a solo hla hmasa ber a tichhuak hnai tih a chiang ta.

Thawhṭanni khan a Instagram lamah Lisa hian a thlalak 'blur' tak mai chu post-in 'COMING SOON Lisa' tih a ziak lang tel a, Blink lam leh Lisa fan-te chu an phur tawh hle.

Blackpink official Twitter account lamah pawh "#LISA COMING SOON POSTER" tiin chu thlalak vek chu an tarlang zui ve bawk a ni.

Lisa hian a hla thar hi engtikah tak nge a tihchhuah dawn hriat la ni lo mah se a a ṭhiante, Jenny leh Rose hnungzuiin ama pualin hla a tihchhuak dawn tih a chiang tawh.

Kum 2018 khan Jenny chuan 'Solo' tih hla a lo tichhuak tawh a, Rose chuan 'Gone' leh 'On The Ground' chu kumin chhungin a tichhuak ve bawk a ni.

Hetihlai hian Jisoo erawh Koream drama lamah a insawrbing ve mek a, 'Snowdrop' shooting neiin a buai mek. He KDrama-ah hian Jung Hae In, Kim Hye Yoon, Jang Seung Jo, Yoon Se Ah, Jung Yoo Jin, leh Yoo In Na-te nen shooting an nei ho mek ve thung.