'Army of Thieves' tlangzarh hun tur a chiang

'Army of the Dead' prequel 'Army of Thieves' chu October 29 hian khawvel ram hrang hranga en theih turin Netflix-ah tlangzarh a ni dawn.

Shay Hatten script ziahpuitu Zack Snyder chuan hemi chungchang hi puangzarin he film-ah hian 'Army of the Dead'-a safe-cracker Ludwig Dieter kha kan hmu leh dawn a, zombie aplocalypse hmaa a khawsak dan vel kan hmu dawn niawm tak a ni.

'Army of Thieves'-ah hian a film hmasaa Ludwig Dieter lema chang Matthias Schweighöfer chu director a nih dawn bakah a role ngaiah a chang leh dawn a, Nathalie Emmanuel, Guz Khan leh Ruby O. Fee-te nen an chang ho.