Matrix 4 : The Matrix Resurrections

Matrix 4 chuan official title a nei ta a, The Matrix Resurrections tih a ni.

Nimin khan The Matrix Resurrections trailer hmasa ber chu tihchhuah a ni a, chutah chuan a title hi an tarlang nghal a ni.

The Matrix 3 kha kum 2003-a tihchhuah daih tawh a ni a, kum tam tak hnuah a chhuanzawmna an siam leh chauh a, chumi a nih avang chuan a film hminga 'The Matrix Resurrections' an ti pawh hi a inhmeh hle.

A teaser an tihchhuah aṭang chuan eng lampang nge a nih dawn hriat a la har hle thung. He film-ah hian Keanu Reeves leh Carrie-Anne Moss-te chu Neo leh Trinity lemah an chang leh dawn a, Yahya Abdul-Mateen II, Neil Patrick Harris, Jessica Henwick, Jonathan Groff, Toby Onwumere, Max Riemelt, Eréndira Ibarra, Priyanka Chopra, Andrew Caldwell, Brian J. Smith, Ellen Hollman, leh Christina Ricci-te pawh an chang dawn bawk.