Lisa solo album hmasa ber September 10-ah

BLACKPINK rapper Lalisa Manoban, Lisa tia kan hriat lar chuan September 10-ah a solo album hmasa ber 'Lalisa' a tichhuak dawn tih Nilaini khan a tarlang.

Ni li liam taah khan Lisa leh Blackpink chuan an social media account kaltlangin Lisa solo album thar hi a chhuah ṭep tawh thu an tarlang a, Nilaini khan chumi chungchang chu chiang zawka tarlangin a album hming tur leh tlangzarh a nih hun tur thleng hian an puangzar a ni.

Blackpink record label YG Entertainment chuan April thlaah khan Lisa solo project hmuh tur a awm dawn tih an lo tichiang tawh a, tunah chuan chu project chu kan hmu thei ṭep tawh a ni.