Mazuali K 'Inchhuanna tham' zaninah

Mazuali K chuan zaninah hian hla thar 'Inchhuanna tham' a tihchhuak dawn a, dar 6 aṭangin EME Records YouTube Channel-ah thlira ngaihthlak theih a ni ang.

'Inchhuanna tham' hi Jaui hla 'Dam chhan' phuahtu Faith Lalduatmawii phuah bawk kha a ni a, a satu Mazuali hian a sa thiam leh dawn chiang sa a, ngaihthlak a manhla leh viau dawn tih a chiang.

Mazuali hi a hla tihchhuah apiangin YouTube lamah thlirtu maktaduai chuang a nei deuh zel a, chuvang chuan tuna a hla thar pawh hi a 'hit' leh viau turah beisei ila, a zai ngainatu tan chuan ngaihven ran chi a ni ngei ang.

Mawitea RDS Shots chuan video a siam sak a, Music leh Recording chu Thangbawiha EME Records kut chhuak niin ani hian a produce sak nghal dawn bawk.

He hla hi ngaihzawng duh ngawih ngawih, atchilh ngawih ngawih neih chungchang tarlanna hla a ni a, tleirawl lam tan phei chuan lo 'relate' theih tak tur a ni dawn tih a chiang.