Mizo Kristian film 'Ka Chawl ta' zaninah tlangzarh dawn

Mizo Kristian film thar 'Ka Chawl ta' chu zanin aṭangin a en theih dawn.

'Ka Chawl ta' hi Lersia Play App kaltlanga en theih a ni dawn a, dar 8 aṭangin en theih turin Lersia Play lamah hian a awm ang.

He film-ah hian Robinson Sailo chu a changtupa niin zaithiam Ruby Rosangpuii chu a changtunu a ni thung a, Mike-a direct niin TC Vanlalzauva chuan a produce a ni.

Hel pakhat Ruatkima chuan mi suam leh mi rikrap reng renga kum 23 lai hun a hman hnuin a nun dan chu ni theia a hriat loh avang leh an nun dan chuan beidawnna leh nun tuihalna nasa tak a neih avangin an hel pawl aṭang chuan a tlanbo ta a.

A tlan bo tih chu a helpuite chuan hriain Police kut a inpek leh khuaa a luh an hlauh avang chuan thah tumin an umzui ta a ni. A tlanchhiatna lama a hmeichhe tawnin Pathian chhandamna kawng a kawhhmuh dan leh chhandamna ropui tak a chan dan chu he film-ah hian tarlan a ni ang.