Kum 40 hnuah ABBA hla thar September-ah

Swedish pop group ABBA chuan kum 40 dawn hla thar an tihchhuah tawh loh hnuah September 21 hian hla thar an tichhuak dawn.

'Dancing Queen' hitmaker - Bjorn Ulvaeus, Benny Andersson, Agnetha Faltskog, leh Anni-Frid Lyngstad-te hian kum 39 lai hla thar an tichhuah tawh loh hnuah thla leh hian an rawn comeback dawn a, hla thar an tihchhuah dawn bakah hian hun eng emaw chen sawirika lo awm tawh an Hologram Tour neih tur 'ABBA Voyage' chu September thlaah hian an ṭan tawh dawn bawk.

The Sun chanchinbu chu hemi chungchang tarlangtu hi an ni a, media hrang hrangin an ngaihven nghal hle. An tarlan dan chuan an show an ṭan zanah hian Bjorn, Benny, Agnetha leh Anni-Frid-te chu an inlan dawn a ni.