Doja Cat-in MTV Video Music Awards a host dawn

American rapper Doja Cat chuan September 12-a sem tur MTV Video Music Awards a host dawn.

Kum 25 mi rap star hian social media kaltlangin hemi chungchang hi a tarlang a, Barclays Centre, Brooklyn-a September 12-a sem tur, zaithiamte chawimawina hun chu a kaihruai dawn tih phur takin a tarlang.

Doja Cat hi he ceremony-a perform tur list tarlanah khan a tel tawh sa hrim hrim a, Shawn Mendes leh Twenty One Pilots-te nen he show-a inlan tur zingah hian an tel.

Kumin MTV Video Music Awards nomination hi puanzar a ni tawh a, Justin Bieber chu nomination hmu hnem ber niin category pasarih laiah a hming a lang a, Megan Thee Stallion chuan dawtin ani hian category parukah nomination a hmu thung a ni.