Delhi sorkar brand ambassador tur Sonu Sood

Bollywood star Sonu Sood chu Delhi sorkar brand ambassador a ni dawn tih Delhi chief minister Arvind Kejriwal chuan nimin khan a sawi.

Arvind Kejriwal chuan Sonu Sood hi AAP kaihhruai Delhi sorkar 'Desh ke Mentor' programme-ah brand ambassador a ni dawn tih a sawi a ni. Delhi sorkar hmalakna thar tur 'Education Mentoring Programme' hi an kalpui mek 'Youth for Education' hnuaia peng pakhat niin Indira Gandhi Delhi Technological University-a B.Tech, M.Tech leh PhD zirlai 200 vel zet chuan school naupang 1,000 vel an kaihhruaina tur programme a ni.

Thuthar thehdarhtute'n an kawmnaah Sonu Sood chuan politics chungchang an sawi loh thu leh, thil lian zawk a nih thu a sawi a, politics kaihhnawih a ni lo tih a sawi uar hle.

Kejriwal pawhin an party-ah Sood a lut dawn em tih lam a sawilang lo a, an hmalakna tur lam uar takin a sawi thung.