Usher leh Grace Miguel an inṭhen

American singer Usher leh a nupui Grace Miguel-te chu kum hnih awrh an inneih hnuah an inṭhen ve leh ta. An inṭhen thu hi Thawhlehni khan puan a ni a, mi mak tih a hlawh viau.

Usher leh Grace Miguel-te hi kum 2009 aṭang khan an inzui ṭan a, kum 10 dawn chu an inzui hman. Kum eng emaw zat an inzui hnuah 2015 khan an innei a, fa pakhat an nei. Mahse tunah chuan an pahnih remtih dunnain inṭnen zai an rel ta a, an innei rei lo hle. Thuchhuah inṭawm an siamah chuan, "Ngun taka kan ngaituah dun hnuah inṭhen kan rem ti a ni. Hetih rual hian ṭhian ṭha tak kan ni zui zel dawn a, hmelmaah isiam kan tum lo" tiin, an inṭhen chungchang an sawi.

Usher chuan Thawhṭanni khan an nupa kar hi Instagram lamah a sawi chhuak a, "Thu­tlukna ngahin a awm mek a, i tana ṭha ber tur ngaihtuah ang che" tiin Grace Miguel chungchang a sawi. Usher hian nupui pahnih lai a ṭhen ta a, kum 2007-2009 chhung khan Tameka Foster nen an lo innei tawh bawk a ni. Fa pawh pahnih - Usher Raymond V leh Naviyd Ely-te a nei.