Meghan wedding dress a to dawn
Bristish lal tupa nupui tur Meghan Markle chu a wedding dress pawh a turu dawn hle a, an inneih niah designer kut chhuak thawmhnaw man to tak a inbel dawn.
Prince Harry leh Meghan Markle-te hi May thla khian an inkutsuih tawh dawn a, 'Suits' actress thuam inbel tur hi $50,000 man lai a ni dawn tih tarlan a ni. Tun hnai khan bridal party-ah an inlan a, lawm an hlawh hle. Innei tura an inbuatsaihna pawh ngawrh takin an kalpui chho mek a, hmun hrang hrang tlawhin an zinkual ve reng bawk. Prince Harry leh Meghan Markle-te hi May 19 khian St. George's Chapel, Windsor Casstle, United Kingdom-ah an inkutsuih dawn a ni. St George's Chapel hi United Kingdom-a chapel changtlung ber zinga mi niin, mi 800 vel an leng, sawm bik zinga Indian actress Pryanka Chopra pawh a tel.