Jay-Z leh Beyonce an tour dun dawn

Zaithiam nupa - Jay-Z leh Beyonce-te chuan tour an nei dun dawn a, an zai ngainatute tan chuan thu lawmawm tak a ni ngei ang.

American rapper Jay-Z leh a nupui Beyoncé Giselle Knowles-te tour neih tur thu hi sawi rik a lo ni zauh zauh tawh a, mahse thu chiang a awm lawk lo. Mahse tunah chuan engkim a chiang ta a, tour an nei dawn tih ni ringawt tawh loin, an concert chhim duhte tan ticket lei theihina awm thuai dawn tih a ni tawh zawk. Beyonce leh Jay-Z tour ticket lei theiha a awm thu hi thla hmasa khan social media lamah tarlan a lo ni tawh a, mahse a hnuah paih leh a ni. July 30-a Philadelphia concert an neih tur chu ticket zawr chhuah a ni dawn hnai a, ticket hi March 12 aṭanga zawrh chhuah beisei a ni.

American singer pahnih hian kum 2014 khan North America lamah 'On the Run' tour an lo nei dun tawh a, tun ṭuma an tour leh tur pawh hian ngaihven a hlawh hle. A tour neih tur hi 'On the Run 2' a ni dawn a, July 30 khian Philadelphia-a Lincoln Financial Field-ah kick-off a ni ang.