Zu nghei nuam ti Kirk Hammett

Heavy metal legend Metallica guitarist Kirk Hammett chuan zu nghei nuam a ti hle a, kum nga zet chu zu tel loin hun a hmang tawh a ni.

Kerrang! hnenah hemi chungchang hi sawiin,"Kum 10 emaw 15 emaw liam taah khan zu ka lo nghei zawk lo a ni. Tunah hian kum nga chhung chu zu tel loin hun ka hmang ta a, nuam ka ti takzet," a ti. Zu a lo nghei hma deuh lo kha a inchhir zawk hial.

Kum 57 lai ni ve tawh Kirk Hammett hi cocaine addict a ni ṭhin bawk a, mahse chu chuan depression a siam avangin a nghei tawh bawk. Zu a nghei hmain cocaine hi a nghei hmasa a, he ruihhlo a nghei theihna tur hian comic book sang chuang a chhiar hial a ni.

"A ni lo zawngin min ngaihsak lo ula, zu ruih kha nuam ka ti ṭhin hle a, mahse a hnuah khan engmah kha a dik thei lo. Zu ka in apiang khan min ṭhing let a, min tihlimtu ni loin ka nun tihrehawm tu zawk a ni," tiin a sawi.