Bollywood News : 'Shershaah'-a changtute'n eng zat nge an hlawh?

Bollywood film tunlaia lar ber tih hial ngam, August 12-a tlangzarh 'Shershaah' film-a achangtute hlawh zat chu Bollywood Life chuan an tarlang a, an hlawh hnem hlawm hle.

Achangtupa fak hlawh tak Sidharth Malhotra khan Rs Vaibelchhe 7 vel zet a hlawh niin an tarlang a, achangtunu Dimple Cheema lema chang Kiara Advani khan Rs Vbc 4 vel chu a hum haw nia tarlan a ni bawk.

Supporting actor-te pawhin an hlawh ṭha hlawm hle. Major Ajay Singh Jasrotia lema chang, Nikitin Dheer khan Rs Nuai 35 vel a hlawh a, Vikram Batra pa GL Batra lema chang Pawan Kalyan khan Rs Nuai 50 vel a hawn bawk. Lieutenant Sanjeev Jimmy Jamwa lema chang Shiv Panditt khan Rs Nuai 45 vel a hlawh ve thung.

Batea ṭhianpa lema chang Anil Charanjeett khan Rs Nuai 35 a hlawh a, firfiak pawh hotu Haider lema chang Mir Sarwar pawh khan Rs Nuai 25 vel lai a hawn ve bawk a ni.

'Shershaah' film hi Kum 1999 Kargil Indonaa nunna chan ta, Param Vir Chakra-awardee Captain Vikram Batra chanchin tarlanna a ni a, India ramah chuan tunlai hian film lar ber a ni, ti ila kan sawi sual awm lo e. Amazon Prime Video-a en theih turin Independence Day hma lawk khan tlangzarh a ni a, film review-tu tam tak chuan film kaldan an sawisel nasat rualin achangtute, a bik takin Sidharth leh Kiara-te an fak hle a ni.