Gaming News : Halo Infinite khel tura i PC-in a mamawhte chu

Kar hmasa lamah khan indo game lar 'Halo Infinite' tlangzarh hun tur tarlan a ni tawh a, game developer 343 Industries chuan PC lama khel duh tana minimum leh recommended system requirement an puangzar zui nghal bawk a, he game hi i khel duh a nih chuan Computer chak ṭha pangngai tak chu i neih a ngai dawn phawt mai.

Halo Infinite hi Halo game 16-na tur a ni a, December 8, 2021 hian an tlangzarh dawn a ni.

Microsoft chuan Halo Infinite hi PC tana siam a nih thu an lo sawi tawh a, DirectX version 12 bakah 50GB free storage space chu neih a ngai dawn a ni.

Xbox One, Xbox Series S/X, leh PC (via Steam/ Microsoft Store)-a khelh theih turin tlangzarh a ni dawn a, Steam-ah chuan Rs 3,499-in a lei theih ang a, Microsoft store-ah erawh Rs. 3,999-in a lei theih dawn thung.

Halo Infinite PC minimum system requirements:-
OS : Windows 10 RS3 x64
Processor (CPU) : AMD FX-8370 or Intel i5-4440
Graphics (GPU) : AMD RX 570 or Nvidia GTX 1050 Ti
Memory : 8GB RAM
Video memory : 4GB VRAM

Halo Infinite PC recommended system requirements :-
OS : Windows 10 19H2 x64
Processor (CPU) : AMD Ryzen 7 3700X or Intel i7-9700k
Graphics (GPU) : Radeon RX 5700 XT or Nvidia RTX 2070
Memory : 16GB RAM
Video memory : 6GB VRAM