Justin Timberlake film channa tur 'Reptile'

Netflix-in an tihchhuah tur 'Reptile' film-ah Justin Timberlake a chang dawn.

He film-ah hian Timberlake hian Benicio Del Toro a chanpui dawn a, music video director lar tak Grant Singer chuan he film hi a direct dawn a, film a direct vawi khatna tur a nih bakah screenplay pawh Benjamin Brewer nen an buaipui dun dawn a ni.

Estate agent pakhat thihna chungchang detective (Del Toro)-in a chhui dan chungchang vel a ni dawn a, tlangzarh hun tur erawh puanzar a la ni lo.