Mystical Mizoram Ṭhazual Lengzem : Jojo Jongte 'Suangtuahna' a takah a chang ta
Mystical Mizoram Ṭhazual Lengzem-ah Jojo Jongte 'Suangtuahna' a thleng dika, pakhatna a ni. Zaii Hauchhum-in a hla hit 'Nghilh har di hmasa' chu pahnihna a rawn nihpui ta a, Jenny Jathang chuan 'Vawi khat tal' chu pathumna a rawn nihpui bawk.
Jojo Jongte 'Suangtuahna' chu
Jojo Jongte hian ama hla phuah ngei 'Suangtuahna' chu April thla tirah khan a tichhuak a, rei lote hnuah chart-ah lang nghalin tunah chuan pakhatna a rawn ni ta.
Mahni inchona leh infuihna hla ṭha tak hi ngaihthlak a manhla a, a hla thu leh music a mawiin a changkang bawk a, pakhatna a ni pawh hi a mak loin a phu viau mai. Chart hmasa leh lamah khan he hla hi palina a ni a, chart hmasaah khan pahnihnaah rawn invawrh lehin, tun chart-ah erawh pakhatna hial a rawn ni ta a ni.
Jojo Jongte hla tho 'Tawnthar D' chu tunṭum chart-ah hian parukna a ni bawk a, he hla pawh hian hma a rawn sawn chak viau mai. Chart lehah chuan top 5-ah a rawn inhlankai ngei a rinawm tawh a ni.
Pahnihna Zaii, Pathumna Jenny
Zaii Hauchhum chuan a hla hit 'Nghilh har di hmasa' chu pahnihna a rawn nihpui ta a, pakhatna ni turin a dinhmun a ṭha sawt hle. Live-a a sakna phei kha chuan YouTube-a Mizo live performance million views kai hmasa ber record hial a lo siam tawh a, dinhmun ṭha taka a rawn ding chho pawh hi tumahin mak an tih a rinawm loh.
Pathumna chu Jenny Jathang niin a hla hit tak, YouTube-a thlirtu maktaduai chuang lai nei tawh 'Vawi khat tal' chu pathumna a nihpui. A hla tho, hmanni lawka a tihchhuah 'Ni thar' pawh tunah hian pakuana a ni mek.
Chart-a lang hla dangte
Mathlenga 'A pian a mawi' chu palina a ni a, Benjamin Sum-a hla hit 'Chhingmitin biahthu kan hlan' chu top 5-ah a rawn inhlangkai bawk.
Laithangpuii, Siampuii Ralte leh Various Artist-te pawh top 10-ah an lang a ni.