CHENGRANG LEH NGENMU EPISODE-2 A CHHUAK TA

Mizorama Entrepreneurship reality show hmasa ber Chengrang leh Ngenmu Episode 2, Tharthilthlentu (TiLi) leh Zonet Cable TV buatsaih chu Zonet TV-ah chhuah a ni ta.

He show-ah hian Investor pathum- Malsawmi, Dr. C. Lalsangzuala leh Lalnunpuia te bakah Expert Member, investment siam thei dinhmun a ding, Mark Lalduhsaka te ṭhuin, start-up panga an inlan a. Start-Up rawn inlante chu:-

1. Tiny Premium Deoxidised
2. Envision Group
3. Waste Tech & Bio-Energy
4. Hamps Health
5. ZRM Dental Lab

Episode 2 start-up leh Investor-te chuan hetiang hian thawhhona thuthlung an ziak :-

- Envision Group leh Mark Lalduhsaka te'n Rs. 15 Lakhs for 20% equity share turin inremsiamna an ziak fel.

- Waste Tech & Bio-Energy chuan Dr. C. Lalsangzuala chu Partnership turin inremsianna an neih puia, an thawhdun dan tur chiang zawka la sawi tura tih a ni.

- Tiny Premium Deoxidised chuan Mark Lalduhsaka leh Lalnunpuia te ṭangkawp chu Marketing and Business Advisory tura sign puiin, unit tin hralh a 1% Royalty pek leh unit 5000 hralh hnua a bulṭantu hi hna banga, he a bulṭanna hi hun puma enkawl tura tih a ni bawk.

Chengrang leh Ngenmu sponsor-tute hi NEIDA (North East Initiative Development Agency), MEDMOC (Mizoram State Entrepreneurship Development Monitoring Committee), MOM (Mission Organic Mizoram), SIRD&PR (State Institute of Rural Development & Panchayati Raj) leh Angel Business Promoters of Mizoram te an ni.

Chengrang leh Ngenmu episode leh a start-up tel duh tan 89748 91313/ 81198 69883 zawh chian theih a ni. Tharthilthlentu – Entrepreneurship & MSME Support hi Mizorama entrepreneurship leh MSME tihhmasawnna atana din a ni a, TiLi Center, 2nd Floor, JL Building, Mission Vengah office neiin, office lamah pawh zawh chian theih reng a ni bawk.