Harry leh Markle movie tlangzarh hun a hriat ta

Prince Harry leh Meghan Markle te chanchin tarlanna 'Harry and Meghan: The Royal Love Story' chu May 13 khian tlangzarh a ni dawn. Hei hi tun hnai khan puan a ni a, an inneih hma ni ruk a la awm tiha tihchhuah a ni ang.

Movie tlangzarh hun tur puan a nih rual hian a vuak hot nan thlalak ṭhenkhat pawh tun hnai khan tlangzarh a ni a, ngaihven a hlawh nghal hle. Harry leh Markle lema chang Murray Fraser leh Parisa Fitz-Henley te thlalak pawh hmuh tur a awm a, zanriah an kil dun lai pawh a lang a ni. Prince William leh Kate Middleton te pawh kha an inneih hmain an chanchin tarlanna film siam a lo ni tawh a, hetah hian Australian actor Burgess Abernethy leh Singapore lam chhuak Laura Mitchell te an chang a ni.

British lal tupa Harry leh American actress Meghan te hi nikum kum tawp lam khan an inhual a, May 19 khian St George Chapel, London-ah an inkutsuih dawn a ni.