Taylor leh Joe an chhuak dun

Milar leh milar ingaihzawng ten ngaihven an hlawh a, an hawina lam a piangah en bik an hlawh ṭhin. Tun hnai pawh khan Taylor Swift leh a bialpa British actor Joe Alwyn te chu an chhuak dun hmuh a ni a, an thlalak pawh a darh nasa leh viau tawh.

American singer leh Joe te hi Malibu, California-ah hmuh an ni a, Swift-i hla thar 'Delicate' tihchhuah hma a nih avangin a hla hi an buaipui dun niin an sawi. Hun rei lote hnuah Swift hian a hla thar hi a tichhuak zui a, YouTube lamah pawh viewer an tam leh tawh hle. YouTube-ah hian mi maktaduai 14 chuangin an en leh tawh a, a lar leh viau tawh a ni.

Joe Alwyn leh Taylor Swift te hi an inzui ngawrh chho ṭan viau a, chutih rual chuan mipui hmaah an inlan tam lutuk lo thung. Thla khat vel zet an reh vang vang hnuah tun hnai khan an inzui chhuak hmuh an ni leh ta a, an chanchin hi khawthlang media-te ngaihven ber pakhat a ni mek.