Gigi nen an inṭhen hnuah Malik-a'n Demi a hnimhnai?

British singer Zayn Malik leh American model Gigi Hadid te chuan tun hnai khan an inṭhen thu an puang a, fan-te an barakhaih hle. An inṭhen boruak pawh a reh hma hauhin Malik chuan chanchin dang a nei leh nghal a, American singer Demi Lovato nen sawi zawm an ni.

Malik hian 'Tell Me You Love Me' singer Demi hi Twitter-ah a follow a, mi ngaihven ber pakhat an ni leh mek. Malik chuan Demi a follow chhan hi a tarlang lo a, mahse a single lai a nih avangin ri ret ret a awm hi thil mak a ni lo. Hetih lai hian Instagram lamah chuan a bialnu hlui Gigi leh a nu Yolanda Hadid te chu a unfollow thung a, sawizui a tam hle. Yolanda hian mipui hriatah a fanu Gigi leh Malik inkawp hi inhmeh a tih thu te, inkawprem tak an nih thute a lo sawi tawh a ni. An inṭhen leh tak siah chuan a thusawi avang hian aninṭhen chungchangah pawh a hming lam rik a nih phah ta a, a makpa hual hian a theih chen chenah hlat a tum ta thung a ni!

Malik leh Gigi te hian kum hnih vel an inzui hnuah Thawhlehni khan Twitter kaltlangin an inṭhen thu an puang a, Victoria Secret model chuan hringnuna thil thleng ve ṭhin reng a nih thu a sawi. Hetih rual hian Malik chu mipa ṭha tak a nih thu te, a hnen aṭanga thil tam tak a zir chhuah bakah, a ṭhian ṭha tak nih zui zel a inhuam thute a tarlang a ni.