Kiss leh Marvel thawk dun dawn

American rock band Kiss leh American comic book publisher Marvel-te chu an thawk dun dawn a, an thawhdunna lam tur hi t-shirt, poster, tuiinna no leh inchhung bungraw sekrek siam chhuah lamah a ni dawn.

Kiss vocalist Paul Stanley leh bassist Gene Simmons-te chuan thuchhuah inṭawm siamin, Marvel company nena an thawk ho thei tur chu an tan chawimawina leh thil lawmawm tak a nih thu an sawi. Heng bakah hian Marvel-in Kiss Comics an siam tawhte avanga an lawm thu an sawi bawk. 

Marvel licensing vice president Paul Gitter chuan Kiss an thawhpui tur chu a lawm hle tih a sawi ve bawk a, an thawhhona tura an thil siam chhuah tur zingah t-shirt zawrh chhuah hmasak ber an tur thu a sawi.