Jennifer Lopez a inpuang

Jennifer Lopez chu fashion magazine lar Harper's Bazaar chuan cover girl-ah an hmang a, a chhungah a inpuanna bengverh tak chhiar tur a awm.

American drama series 'Shades of Blue' star Lopez chuan khawvelin amah an hmelhriat tak tak hma khan inphelh ruak tura sawmna a lo dawng daih tawh tih a sawi.

American singer Jennifer Lopez chuan, "Career bul ka ṭan tirh lam khan film director pakhat hnen aṭangin thawmhnaw ha mumal loa shootng nei tura sawmna ka dawng a, mahse ka hnawl a ni" a ti. Amah sawmtu hi tunge a nih a sawi lang lo thung a, khawvela mite hmuha a taksa mawina pholan chu a lungkham anih loh thu a sawi.

Nikum lam aṭang khan Hollywood industry-ah hmeichhia ten mipat hmeichhiatna rawngkaia beihna an tawh ṭhin thu a lar hle a, hemi denchhan hian Lopez pawh hi a ṭawng chhuakah ngaih a ni.

Milar tam takin mipat hmeichiatna lam hawia beih an tawh ṭhin thu an sawi a, an zingah hian rin loh tak tak pawh an kat nuk. 'On The Floor' hitmaker Jennifer Lopez pawh hi chung zingah chuan a lo tel tawh a, mahse a mah leh amah a lo inveng him a, khawvel mit hmuhah tihmualphoin a awm loh phah ta a ni.