Swift-i'n inhual a duh?

Taylor Swift chuan a bialpa Joe Alwyn nen inhual a duh niin khawthlang media-te chuan an tarlang.

American singer lar Taylor swift hian pasal neih a rilruk ṭan a, a bialpa British actor Joe Alwyn nena pawh hian inhual thuai hi a duh nia tarlan a ni. Media-te chuan Swift hi pasal nei turin a inpeih tawh a, amah pawh a phur tawh hle niin an sawi. Joe hi a ngaina hle a, a kianga hun tam zawk hman a duh niin an sawi.

Swift leh Joe te hi an la inzui rei lem lo a, nikum May thla vel aṭang khan official takin an inzui ṭan niin an sawi. He ti chung hian an inngainain an induh tawn hle a, innneih mai pawh an hreh tawh lo niin an sawi. Annni pahnih hi tun hnai pawh khan Malibu, California-ah hmuh an ni a, an hlim dun viau a ni awm e. Swift-in 'Reputation' album a buaipui lai pawh khan London-ah a lo khawsa chawt tawh bawk a, an chhuak dun pawh hmuh tur a awm fo a ni.