Samsung Galaxy A52s 5G vawiinah

Samsung Galaxy A52s 5G chu vawiin chhunah hian India ramah an tlangzarh dawn niin South Korean tech giant Samsung chuan Twitter kaltlangin an tarlang.

A rawng an rawn tihchhuah tur pawh a chiang tawh a, UK lama an zawrh chhuah nen a specification pawh a inang chiah dawn niin an tarlang tawh a, chutiang a nih chuan Snapdragon 778G SoC, quad rear camera 64-megapixel primary sensor, 4,500mAh battery leh 6.5-inch full-HD+ Super AMOLED Infinity-O Display a neih ve ngei a rinawm.

Samsung-in an tarlan dan chuan naktuk chhun dar 12-ah hian Galaxy A52s 5G hi an tlangzarh dawn a, Awesome Black, Awesome Violet, and Awesome White-te chu rawng awm turte a ni dawn.

Variant pahnih- 6GB + 128GB leh 8GB + 128GB storage-te a awm dawn a, Rs. 35,999,man leh Rs. 37,499 vel a nih an ring a, hei ai hian a tlawm mai thei bawk.

Samsung Galaxy A52s 5G Specification ṭhenkhat:-
Display 6.50-inch
Processor Qualcomm
Snapdragon
778G
Front Camera 32-megapixel
Rear Camera 64-megapixel
+ 12-megapixel
+ 5-megapixel
+ 5-megapixel
RAM 6GB/8GB
Storage 128GB
Battery Cap. 4500mAh
OS Android 11