Ni 90 awh tur 'Get Slim Challenge' ṭan dawn

Zonet leh Ocean Gym, Kulikawn ṭangkawp chuan ni 90 awh tur 'Get Slim Challenge' an buatsaih dawn a, March 21, Nilaini aṭangin ṭan a ni ang. 'Get Slim Challenge' a tel tumte tan naktuk thleng hming pek luhna hun hawn a ni.

'Get Slim Challenge' hi Go Style with Ma­rilyn-a tihchhuah tur a ni a, certified trainer thiam tak takten exercise leh activities hrang hrang an neihpui dawn. Hei bakah hian doctor leh dietician ten an telpui reng dawn bawk. Hriselna ngaipawi­mawh tan tel ngei chi a ni a, pawisa chawingai a awm lo a, a thlawn vek a ni.

Naktuk chawhma dar 10:00 hian Ocean Gym-ah doctor leh trainer ten a kalphung sawifiahna an nei dawn a, hei hi inziahluhna hun tawp a ni ang a, a tel duhte chu kal ngei tur a ni. Zonet office, Zarkawt leh Ocean Gym, Kulikawn Indoor Stadium hnuaiah te form a la lakchhuah theih a, hriatchian duh nei tan 9612307730 / 8415848200-ah te zawh­fiah theih a ni bawk.