Model Ambrosio leh Jamie an inṭhen
Victoria Secret model Alessandra Ambrosio leh a pasal Jamie Mazur te chu tun hnai khan an inṭhen tih khawthlang media-te chuan an tarlang.
Ambrosio leh Jamie te hi kum 2008 khan an innei a, kum 10 zet an inneih hnuah an inṭhen ta a ni. Anni pahnih hi nikum Krismas hnu aṭang khan hmaichhanah an la inhmu leh miah lo nia sawi a ni a, tunah chuan an inṭhen tih puan a ni leh ta. Brazilian model hi a pasal, American sumdawng hausa lakah hian a lawm vak lo nia sawi a awm a, an inṭhen thu pawh hi ama sawi chhuah niin an tarlang bawk.
Super model Alessandra leh Jamie te hian fa pahnih Anja Louise (9) leh Noah Phoenix (5) te an nei a ni. Super model hlawhtling ber pawl Alessandra hian kum 2016 khan kawppui neih chu a ngaihpawimawh ber a nih loh thu a lo sawi tawh a, hetih lai hian Jamie nen hian kum riat zet an innei tawh a ni. Zin kualin a hun tam zawk a hmang a, hei vang hian a duh angin a pasal fanaute leh an in a luah lum thei lo tih a lo sawi tawh bawk.