Harry leh Markle movie teaser a chhuak

Prince Harry leh Meghan Markle te chanchin tarlanna film chu May thla khian tlangzarh a ni dawn a, tun hnai khan a teaser pawh a vawi khat nan tihchhuah a ni.

British lal tupa Harry leh American actress Meghan movie hi 'Harry and Meghan: The Royal Love Story' tih a ni a, royal family lo tih ṭhin angin an chanchin hi film-a siam a ni. Teaser tihchhuah hi second 20 chauh a ni a, inhualna zungbun an inpe tur laite pawh tih lan a ni. He film-ah hian ṭhian an nih chhoh dan aṭnga a, an inkarah hmangaihna lo pian chho dante tarlan a ni dawn. An inhual hnu leh, Bristih lal chungkua zinga a telh chhoh dante pawh tarlan a ni.

Harry lemah hian Scottish actor Murray Fraser chu a chang a, Parisa Fitz-Henley chu Meghan Markle lemah a chang ve thung a ni. 'The Royal Love Story' hi an inneih hma ni ruk, May 13 khian tihchhuah a ni ang. Kum 2011-a Prince William leh Kate Middleton te an inneih ṭum khan an chanchin tarlanna movie 'William & Kate' chu an inneih hma ni 11 a la awm tihah tlangzarh a lo ni tawh bawk.