Empire Award-ah Star Wars : The Last Jedi chungnung

British film magazine lar 'Empire' chuan kum danga an lo kalpui tawh ṭhin angin Pathianni zan khan Empire Award an sem a, Star Wars : The Last Jedi chuan award paruk zet a dawng.

23rd Empire Award hi Roundhouse, London-ah sem a ni a, nikum chhunga film chhuak langsar ten award an dawng nual. Nikum December thlaa tlangzarh 'Star Wars: The Last Jedi' chu award dawng hnem ber niin, a changtute pawh an langsar hle. Award a dawn zingah hian - Best Film honour pawh a tel a, hei bakah hian Best Film, Best Costume Design leh Best Visual Effect pawh a tel. Film director Rian Johnson chuan Best Di­rector award a dawng a, Daisy Ridley chu Best Ac­tress atan thlan a ni bawk.

American voice actor Mark Hamill chu Empire Icon atan thlan a ni a, Empire Legend of Our Lifetime award chu Steven Spielberg hnenah hlan a ni. 'Logan' star Hugh Jackman chu Best Actor a ni a, 'Get Out' chu Best Horror film atan thlan a ni. Box Office-a sum lalut hnem Coco chuan Best Animated Film award a dawng a, 'Wonder Woman' chu Best Sci-Fi/Fantasy film atan thlan a ni bawk.