Nick Jonas leh Sarafyan an sawi zawm

American singer Nick Jonas leh ac­tress Angela Sarafyan te chu milar zinga sawi zawm hlawh thar an ni leh mek.

Khawthlang media-te chuan 'Westworld' star Sarafyan leh Jonas te hi an in 'date' niin an tarlang a, thu chiang erawh hriat tur a la awm lo. An mahni lam an la ngawih avangin thu leng vel a tam a, an inhaw lo tih chu a chiang thung. An inzui chhuak pawh hmuh an ni a, an thlalak pawh social media lamah hmuh tur a awm nual.

Hetih rual hian Nick Jonas hi thla hmasa lawk khan Australian nula Annalisa Azaredo nen an chhuak dun hmuh an lo ni tawh bawk a, boruak an nei hman hat. Azaredo nen hian Watsons Bay Boutique Hotel-ah an kal dun a, an hlim dun viau. Mahse tunah chuan thu thar a awm leh tak avangin tunge a kawppui tak zawk tih chu an inrinsiak leh mek a ni.

Nick hi Miss Universe hlui Olivia Culpo nen kum hnih vel an an inzui hnuah 2015 khan an inṭhen a, kawppui bulfuk tak sawi tur a la nei leh lo.