China naupangte'n kar khatah darkar 3 chiah video game an khel thei tawh dawn

China chuan an rama cheng naupang kum 18 hnuai lam chu kar khatah darkar thum aia tam games an khelh a phal tawh dawn lo.

Thawhṭanni khan an ram news agency Xinhua chuan hemi chungchang hi tarlangin, an ram sorkar chuan an society mai bakah an economy atana pawimawh- tech, education, leh property-an thununna chu nasa zawka kalpui an tumna kawnga peng pakhat a ni.

China naupangte chu Zirtawpni, Inrinni leh Pathianniah chiah video games an khelh phalsak an ni dawn a, chupawh zan dar 8-9 inkarah bak an khel thei dawn lo niin Xinhua chuan a tarlang a, 'public holiday'-ah pawh game hi khelh phalsak dawn mah se an khelh theih hunbi chu a pangngai dawn tho a ni.

China National Press and Publication Administration (NPPA) thupuangtu chuan tleirawl leh rawltharte chu an ram hmalam hun atana mi pawimawh an nih thu sawiin, an taksa leh an rilru hriselna ngaihpawimawh saka ven sak chu a pawimawh thu a sawi.

Hetihlai hian an ram ṭhalaite chuan an sorkar dan thar siam hi an sawisel nasa ve hle niin media ṭhenkhat chuan an tarlang a ni.