Little Mix hla thar naktukah

British girl group Little Mix chuan naktukah hla thar 'Love (Sweet Love)' an tichhuak dawn.

Jade Thirlwall, Perrie Edwards, leh Leigh-Anne Pinnock-te hian hla thar an tihchhuah dawn thu hi social media kaltlangin an puangzarh a, an zai ngainatute tan chuan thu lawmawm tak a ni ngei ang.

An hla tihchhuah thar tur hi Jesy Nelson-in an band a chhuahsan hnua an album tihchhuah hmasak ber tur 'Between US'-a mi tur a ni dawn tih a chiang tawh a, he album hi November hian tlangzarh an tum a ni.

'Love (Sweet Love)' hi an album thar tur aṭanga an single tihchhuah hmasak ber tur a ni a, hla 18 a awm ang.

Little Mix hi The X Factor aṭanga lar chhuak niin tunah hian album paruk an tichhuak tawh a, 'Between Us' hi an album pasarihna tur niin November 12-ah an tlangzarh dawn a ni. He album-ah hian mi hrang hrang an thahwpui a, chung zingah chuan Sean Paul, Machine Gun Kelly, Stormzy, Nicki Minaj leh Anne-Marie-te pawh an tel.