Kanye West 'Dondo'-in Spotify Record a siam

Kanye West chuan a album thar 'Dondo' hmangin Spotify-ah record a siam a, kumin chhunga darkar 24 chhunga album stream tam ber record a siam.

'Dondo' hmang hian Olivia Rodrigo-in record a lo siam tawh chu Kanye West hian a khum a, Pathianni liam ta khan he record thar duhawm tak hi a siam a ni.

'All Day' rapper hian a album thar hi Universal lam chuan a phalna la hmasa loin an tlangzarh niin sawi mah se a fan-te chuan an lo ngaithla chak hle tih a hriat a, Olivia Rodrigo record siam meuh khum thei khawpin album hi an lo nghakhlel tih a hriat.

Apple lamah pawh a hit
Kanye West album thar hi Apple streaming service lamah pawh an ngaithla nasa rem rem hle a, kumin chhunga ni khat chhunga an stream nasat ber a ni ve bawk.

Tlangzarh a nih aṭanga darkar 24 chhung lek khan vawi maktaduai 60 chuang US-ah an stream hman a, kumin chhungin hetiang em ema an stream nasat album hi a la awm lo, Apple history hrim hrimah pawh ni khat chhunga an streaming platform-a album an stream tam pathumna a ni phak.

'Dondo' hi ama puala studio album 10 a tihchhuahna chiah a ni tawh a, Jay Z leh mi hrang hrang thawhpuia album a tihchhuah nen chuan a album 15-na ani thung.

Tunah hian khawvel ram hrang hrangah record maktaduai 160 chuang hralh tawhin artist zinga album hralh hnem ber pawl a ni a, Grammy Awards 22 lai dawng tawhin Grammy dawng hnem ber zinga mi a ni bawk.