Selena-i'n lengdang a chhai em ni?

Selena Gomez leh Justin Bieber te chu tun hnai khan an inṭhen niin thu a thang a, tunah chuan Selena hian leng dang a chhai leh tawh niin khawthlang media-te chuan an tarlang.

Selena hi Australia lamah chawlh hmanga a kal hmuh a ni a, midang a chhuahpui a ni awm e. An thlalak pawh a darh chak viau a, social media lamah pawh titi pui ber pakhat a ni mek. Selena hian Justin Bieber tel loin Australia-ah nuam a tawl tiin an sawi a, an inṭhen tih thuthang a awm lai a nih bawk avangin sawi a tam phah hle.

Disney star ni ṭhin hi Thawhṭanni khan Sydney-ah hmuh a ni a, chawlh a hmanpui nia an sawi pawh hi American singer Johnny Rays tih hriat chhuah a ni tawh. American singer pahnih hi an hlim dun hmel viau a, lawngahte pawh an chuang dun a ni.

Selena Gomez leh Justin Bieber te hi hun eng emaw chen an inṭhen hnuah nikum kum tawp lam khan an inzui leh a, mahse an inkawp rem vak lo nia sawi a ni. Selena-i chhungte chuan JB-a hi an duh lo a, inṭhen leh tur pawhin an nawr hial niin an sawi. Tun hnaia an inṭhen chhan pawh Selena-i nu Mandy Teefey vang nia tarlan a ni bawk.