Sawmtea hla thar 'A zual zel ang' YouTube-ah a awm ta

Mizo mipa Gospel singer zinga huhang ngah ber pawl, Zoram chhunga zaithiam chawimawina hrang hrang dawng kim tawh Sawmtea chuan hla thar mawi tak mai 'A zual zel ang' tichhuakin tunah hian duh hun huna hmeh chhuah theih turin YouTube lamah a awm ta.

Sawmtea hian a channel 'Sawmtea Chhangte Official'-ah a music video thar chu dah tawhin lo subscribe ve ngei turin chhiartute a sawm a ni.

He hla hi V. Lalnunzira (Breakthrough Ministry) phuah a ni a, Audio chu Princeton Records lam kut chhuak niin, RDS shots chuan hmuh nuam takin video an siam bawk a, thlir leh ngaihthlak a manhla viau mai.

Pathian hmangaihna mihringte tana zual zel, chin lem nei loa hmangaihna tarlanna hla niin, hmu thei lo mah ila Pathian hi a awm ngei a, leiah hian a famkimlo in kan hria. A famkimna kan tawn hun chuanin ava ropui dawn em tiin Sawmtea hian thiam takin a sa chhuak a ni.

"Hri leng boruak avangin duh angin Pathian fakna hun remchang a awm hleithei lo a, hetia video kan peihfel ve leh ta mai hi ka lawm takzet. Atheih dan ang anga Pathian fak zelhi ka duhber ani mai , hun tha kaneih laihian atam thei angber Pathian fakhi ka tumber ani , a mihring lamah pawh Mel lung pawimawhtak kan phun ani zelmaia , ahlu katiin theihtawp chhuah zel ka tum tiin Sawmtea chuan a sawi.

'A zual zel ang' hi MDM Library-ah dahluh tawh niin Zonet leh YouTube lamah entheih a chhawp chhuah tawh a ni.