Man chawia YouTube hmangtu mtd. 50 chuang an awm

YouTube chuan paid subscriber maktaduai 50 chuang an neih thu an sawi.

Record label leh Hollywood studio-te an hna thawh hah sa midang hnena a thlawna pe chhawnga puha nasa taka an sawisel ṭhin Google video site YouTube chuan an service man chawia hmangtu zat hi tarlang mah se an sum hmuh chhuah zat erawh an tarlang tel lo.

Man chawia an service hmangtu zingah hian YouTube Music hmangtu leh YouTube Premium tute an tel kawp tih an tarlang a ni. An sum hmuh chhuah zat an tarlan loh mai bakah hian an subscriber-te sum chawi zat chawhrual pawh an tarlang tel lo bawk.

Nikum December thla thleng khan man chawia YouTube hmangtu hi mtd 30 an awm tawh a, tunah chuan mtd 50 an tling tawh a ni.

YouTube global head of music Lyor Cohen chuan YouTube Music chu music subscription service ṭhang chak ber a ni tih sawiin, India ramah pawh subscriber an pun chak thu a sawi.