Model Bündchen-i'n lekhabu a ziak

Brazilian model Gisele Bundchen chuan lehkhabu a ziak a, 'Lessons: My Path to a Meaningful Life' tih a ni.

Khawvela model hlawhtling leh sum lalut hnem ber pawl Bundchen lekhabu ziah hi nu nihna leh, ama chanchin a ziahna a ni. A career inṭan chhoh dan leh pasal a neih thlengin a tarlang dawn a nih hmel. American football star Tom Brady nena an inzui chhoh dante chhiar tur a awm dawn a nih hmel hle. Vawi eng emaw zat model hlawhhnem ber nihna lo hauh tawhtu Gisele chuan, "Mi tam tak tan chona thar a pek ngei ka beisei a, mahni theihna neih hre lote pawhin an ṭangkaipui ka beisei a ni" a ti. He lehkhabu hi kumin October thla khian tlangzarh a ni ang.

Bündchen hi naupan laia kelawnga tei ve mai mai ṭhin a ni a, a bulṭannaah chhuan tur a nei lo. Mahse kum 14 mi a nih aṭangin modeling lamah bul a ṭan a, kum li hnuah chuan London-a Alexander McQueen runway show-ah a inlan der tawh. Fashion Show 800 chuang zetah a inlan a, campaign-ah ṭum 600 vel a inlan bawk. Khawvel huap pawha magazine lar 2,000 chuangin cover girl atan an hmang bawk. Model hlawh hnem ber a nih bakah, entertainment industry-a hmeichhe hausa zual zingah a tel pha bawk. Victoria Secret model zingah pawh a ber kai pha chanchin hi chhiar man hla tur tak a ni.