Chhimphei Various Artist-in music video tlangzarh
Chhimphei zaithiam intelkhawm 'Chhimphei Various Artist' chuan an music video thar 'Vangkhaw Daido' tih chu an tlangzarh ta.
Chhimphei Group YMA Conference chu March 22-23 khan Falkawn-a neih a ni a, he hunah hian music video hi tlangzarh a ni. A hla hi Thiamchantira phuah niin, Chhimphei Various Artist sak atan a phuah a ni. A hla thu mil tur hian tun hnaia ramri chungchanga Mizo Zirlai Pawl (MZP)-te hmalak dan leh an chet tlatna video clip ṭhenkhat pawh dahtel a ni.
Recording hi Kings & Prophets-ah tih a ni a, video hi Asang Dosel kut chhuak a ni thung. Music video hi Zonet leh MDM YouTube channel-ahte en theihin a awm thuai beisei a ni. Chhimphei Various Artist-te hi Hualngohmun leh Sialsuk inkara zaithiam thlankhawmte niin, member 26 an awm a ni.