Hilton-i'n inhualna zungbun a tibo ṭhelh!

Paris Hilton chuan Chris Zylka nena an in­hualna zungbun chu kar kalta Zirtawpni zan khan party-naah a tibo a, a hnuah an hmu leh hlauh!

Hilton hi Miami night­club-ah a chepui viau a ni awm a, a lamna lamah zungbun manto hi a hloh a ni. Mita hmutute chuan Hilton hian a lam laiin a kut chu chunglamah a phar chhuak a, hetih lai hian a bo ta a ni, an ti. A bo tih an hriat hnu hian security punin an zawng nghal a, an party-na hmun hi thim deuh reih ruih a nih avangin an hmu lawk lo a ni. Mahse a hnuah ice bucket bulah an hmu leh a, amah pawh a lawm hle niin an sawi.

American actor Chris Zylka leh Paris Hilton te hi kumin kum tir lam khan an inhual a, an inneih hun tur hi hriat a la ni lo. An inhualna zungbun hi diamond niin, $mtd 2 man zet a ni. Paris pawhin a zungbun hi a roh hle a, "Zungbun ka hmuh tawhah chuan a nalh ber" tiin a lo sawi tawh a ni.